hdfc bank maintenance:  hdfc bank customers cannot access net banking services for two days aug 21st 22nd


நெட் பேங்கிங் சேவைகளை இரண்டு நாட்கள் பயன்படுத்தமுடியாது என எச்டிஎஃப்சி வங்கி அறிவிப்பு.

இரண்டு நாட்களுக்கு பராமரிப்பு பணி


வங்கி வாடிக்கையாளர்களுக்கு ஒரு முக்கிய அறிவிப்பு வெளியாகியுள்ளது. அதாவது, இன்று (ஆகஸ்ட் 21) முதல் இரண்டு தினங்களுக்கு எச்டிஎஃப்சி வங்கியின் ஆன்லைன் சேவைகள் இயங்காது என வங்கி நிர்வாகம் அறிவிப்பு வெளியிட்டுள்ளது. மொத்தம் 18 மணி நேரங்களுக்கு எச்டிஎஃப்சி வங்கியின் ஆன்லைன் சேவைகளை பயன்படுத்த முடியாது என தெரிவிக்கப்பட்டுள்ளது. இதன்படி, இன்று இரவு 9 மணி முதல் ஆகஸ்ட் 22ஆம் தேதி பிற்பகல் 3 மணி வரை மொத்தம் 18 மணி நேரத்துக்கு நெட் பேங்கிங் சேவைகளை பயன்படுத்த முடியாது.

ஏற்கெனவே திட்டமிட்டப்படி இந்த 18 மணி நேரத்தில் எச்டிஎஃப்சி வங்கியின் ஆன்லைன் அமைப்புகளில் பராமரிப்பு பணிகள் நடைபெறவுள்ளது. இதன் காரணமாக, குறிப்பிட்ட 18 மணி நேரத்துக்கு மட்டும் நெட் பேங்கிங் தளத்தில் கடன் தொடர்பான சேவைகளை பயன்படுத்த முடியாது.

 இந்தியாவிலேயே மிகப்பெரிய தனியார் வங்கியான எச்டிஎஃப்சி வங்கிக்கு ஏராளமான வாடிக்கையாளர்கள் இருக்கின்றனர். எனவே, நெட் பேங்கிங் சேவைகளை பயன்படுத்தும் வாடிக்கையாளர்கள் இந்த பராமரிப்பு பணி நேரத்துக்கு ஏற்ப திட்டமிடுவது நல்லது.