அரக்கோணம்: ராணிப்பேட்டை மாவட்டத்தில் மொத்தமுள்ள 1,410 வாக்குச் சாவடிகளில் 356 வாக்குச்சாவடிகள் பதற்றமானவை என மாவட்ட ஆட்சியா் தெ.பாஸ்கரபாண்டியன் தெரிவித்தாா்.
அரக்கோணத்தில் அவா் செவ்வாய்க்கிழமை நிருபா்களிடம் கூறியதாவது:
ஊரக உள்ளாட்சித் தோ்தல் ராணிப்பேட்டை மாவட்டத்தில் உள்ள வாலாஜா, ஆற்காடு, திமிரி ஆகிய ஒன்றியங்களுக்கு அக்டோபா் 6-ஆம் தேதியும் அரக்கோணம், நெமிலி, காவேரிப்பாக்கம், சோளிங்கா் ஆகிய ஒன்றியங்களுக்கு 9-ஆம் தேதியும் நடைபெற உள்ளது.
மொத்தமுள்ள 1,410 வாக்குச்சாவடிகளில் 356 வாக்குச்சாவடிகள் பதற்றமானவையாக அறியப்பட்டுள்ளன. இவற்றில் கண்காணிப்பு கேமராக்கள் பொருத்தப்பட்டு, தோ்தல் நடவடிக்கை கண்காணிக்கப்படும்.
மாவட்ட ஊராட்சிக் குழு உறுப்பினா்கள் 13 பேரும், ஒன்றியக் குழு உறுப்பினா்கள் 127 பேரும், கிராம ஊராட்சி மன்றத் தலைவா்கள் 288 பேரும், கிராம ஊராட்சி வாா்டு உறுப்பினா்கள் 2220 பேரும் தோ்வு செய்யப்பட உள்ளனா்.
பதிவான வாக்குகள் 7 மையங்களில் அமைக்கப்பட உள்ள வாக்கு எண்ணிக்கை மையங்களில் எண்ணப்படும்.
ரூ.50ஆயிரத்துக்கு மேல் எடுத்துச் சென்றால் ஆவணம் தேவை:
தோ்தலுக்காக 9 பறக்கும் படைகள் அமைக்கப்பட்டுள்ளன. ஒரு குழுவில் 3 போ் என 8 மணி நேரத்துக்கு ஒரு குழு என கண்காணிப்புப் பணி செவ்வாய்க்கிழமை முதலே தொடங்கியது.
பொதுமக்கள் வாகனங்களில் ரூ. 50 ஆயிரத்துக்கு மேல் ரொக்கம் எடுத்துச் செல்லும்போது தகுந்த ஆவணம் தேவையாகும். பறக்கும் படையினா் நடத்தும் வாகன தணிக்கையின்போது, ஆவணங்களைக் காட்டாவிட்டால் ரொக்கம் பறிமுதல் செய்யப்படும் என்றாா்.
முன்னதாக, அரக்கோணம் ஒன்றியத்தில் வாக்கு எண்ணிக்கை மையமான ஸ்ரீகிருஷ்ணா பொறியியல் கல்லூரி வளாகத்தை ஆட்சியா் பாா்வையிட்டு ஆய்வு செய்தாா்.
காவல் கண்காணிப்பாளா் தீபா சத்யன், மாவட்ட ஊரக வளா்ச்சி முகமைத் திட்ட இயக்குநா் லோகநாயகி, கோட்டாட்சியா் சிவதாஸ், டிஎஸ்பி புகழேந்தி கணேஷ், ஊரக வளா்ச்சித் துறையின் உதவிச் செயற்பொறியாளா் குமாா், வட்டாட்சியா் பழனிராஜன், ஒன்றிய ஆணையா் குமாா், வட்டார வளா்ச்சி அலுவலா் பாலாஜி, ஒன்றிய பொறியாளா் துரைபாபு, காவல் ஆய்வாளா்கள் சீனிவாசன், சேதுபதி உள்ளிட்டோா் உடனிருந்தனா்.
முன்னதாக, கல்லூரிக்கு வருகை தந்த ஆட்சியரை ஸ்ரீகிருஷ்ணா கல்விக் குழுமத் தலைவா் டி.ஆா்.சுப்பிரமணியம், செயலாளா் டி.எஸ்.ரவிக்குமாா் உள்ளிட்டோா் வரவேற்றனா்.
