ranipet govt hospital:  - a government hospital in ranipet district has been flooded

அரசு மருத்துவமனைக்குள் வெள்ளம் புகுந்துள்ளதால் நோயாளிகள், உறவினர்கள் பீதி அடைந்துள்ளனர்.

ராணிப்பேட்டை மாவட்டத்தில் மழை


மருத்துவமனையில் புகுந்த வெள்ளம் வேலூர் மாவட்டத்தின் பல்வேறு பகுதிகளில் கடந்த சில நாட்களாக வடகிழக்கு பருவமழை பெய்து வருகிறது. அதேபோன்று ஆந்திரா, கர்நாடகா மாநிலங்கள் மற்றும் பாலாறு கரையோர பகுதிகளில் தொடர்ந்து பெய்து வரும் மழையால் பாலாற்றில் வெள்ளம் பெருக்கெடுத்து ஓடுகிறது.

மழை காரணமாக வேலூர் மாவட்டத்தில் உள்ள ஏரிகள் அனைத்தும் வேகமாக நிரம்பி வருகின்றன. சதுப்பேரி ஏரியில் இருந்து வெளியேறும் உபரிநீர் கால்வாய் ஆக்கிரமிப்பு மற்றும் அடைப்பு காரணமாக கொணவட்டம், திடீர்நகர், கன்சால்பேட்டை உள்ளிட்ட குடியிருப்பு பகுதிகளை சூழ்ந்தது.

அதை வெளியேற்றும் பணி உடனடியாக முடுக்கிவிடப்பட்டது. வேலூர் மற்றும் அதை சுற்றியுள்ள பகுதிகளில் பெய்த மழை காரணமாக கொணவட்டம், கன்சால்பேட்டை, முள்ளிப்பாளையம் உள்ளிட்ட பகுதிகளில் உள்ள வீடுகளுக்குள் வெள்ளம் புகுந்தது.


மருத்துவமனையில் புகுந்த வெள்ளம்


இந்நிலையில் ராணிப்பேட்டைமாவட்டம் சோளிங்கர் அடுத்த ரெண்டாடி கிராமத்தில் இயங்கி வந்த அரசு ஆரம்ப சுகாதார துணை நிலையத்தில் ரெண்டாடி ஊராட்சிக்கு உட்பட்ட கிராமங்களில் இருந்து கர்ப்பிணிப் பெண்கள் மருத்துவ பரிசோதனைக்கு மற்றும் காய்ச்சல் உள்ளிட்டவைகளுக்காக சிகிச்சைக்கு வந்து செல்கின்றனர்.

கடந்த சில வாரங்களாக பெய்த கனமழையின் காரணமாக ஆரம்ப சுகாதார நிலையத்தில் முழங்கால் அளவிற்கு தண்ணீர் தேங்கியுள்ளது. தண்ணீரில் அதிக அளவில் பாசி பிடித்து இருப்பதால் வழுக்கி விழுந்து நோயாளிகள் காயம் அடையும் அபாயம் உள்ளது.

நோயாளிகள்... கிராம மக்கள் அச்சம்


இதனால் கர்ப்பிணி பெண்களும், சிகிச்சைக்கு வரும் பொதுமக்களும் அச்சப்படுகின்றனர். மேலும் இந்த துணை சுகாதார நிலையம் பழைய கட்டிடம் என்பதால் பல்வேறு இடங்களில் இருந்தும் மழை நீர் கசிந்து மிகவும் மோசமான நிலையில் உள்ளது.

எனவே சுகாதார நிலையத்தில் உள்ள தண்ணீரை அப்புறப்படுத்த வேண்டும். சுற்றுப்பகுதியில் உள்ள முட்புதர்களை அகற்ற வேண்டும் என பொதுமக்கள் கோரிக்கை வைக்கின்றனர்.